نكات تحشيشيه

من طرف Admin الخميس يونيو 09, 2011 7:37 am

محشش راح للدكتور يشتكي انه كل مانام ‏ يحلم بالبزازين يلعبون طوبه. قاله الدكتور :
لاتنام يومين .. قال المحشش : مااقدر لان باجر يلعبون على النهائي

فد يوم دليمي اشترى بنكه عاموديه
وداها للبيت كعد هو والجهال وشغل
ألبنكه ألبنكه كامت تفتر يمنى
ويسرة كال الدليمي دحج دحج تعرفنه واحد واحد

تلاثة مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح ياكلاب - تلاثه ومشغلين البنكه عالخمسه

مصلاوي ذبح خروف سوه اللحم كباب والارجل باجة والجلد سجادة والامعاء سماد والعظام طحنها علف للدجاج وحتى صوت الخروف خلاه نغمة للموبايل

واحد مصلاوي راح يخطب كالوله المهر عشرة آلاف كال إشدعوة لكيت بالفين وحامل

محشش صارله 15 سنة يدعي الله يريد يجيه ولد, آخر شي نزل عليه واحد
من الملائكة كاله والله ثبرتنة انتة اشبيك ادري غير تتزوج

ادم رجع من الشغل ودك الباب
حواء كالت منووووو
كال دفتحي الباب هوة اكو غيري

قصة حياة قميص مصلاوي
أول سنتين للكشخة
ثاني سنتين للطلعة
ثالث سنتين للسوق
رابع سنتين وصلة مسح
وبعدا بسنتين فتيلة لمبة
واخيرا سماد للحديقة

ثنين أغبياء دينتضرون قطار ساعة 12 بليل الاول كال يول كال خاف ميجي القطار هيجي وكت الثاني كلة طاح حضك لو ميجي جان شالو السجة

واحد فات و شاف واحد ديضرب محشش بالشارع ويسبّه ويگول اكتلك والله يا حميد
اجى عالمحشش گلّه انت ليش ما تدافع عن نفسك هذا ديضربك
المحشش گال خليّه يضرب آني اصلاً مو حميد

فد واحد راح للدكتور
كلة دكتور اني اكدر اعيش لحد مايصير عمري 100 سنة؟؟
الدكتور كلة رح اسالك كم سؤال
انت تدخن؟
كلة بعمري مشربت ولا جكارة
...تسهر عالتلفزيون او النت؟
كلة ماعندي تلفزيون والنت هذا شنو مااعرفة
كلة تحب بنية وتسهر علمودهة؟
كلة لا احب البنات ولا يحبوني
كلة تسهر وية اصدقائك؟
كلة ماعندي اصدقاء اصلا
تاكل اكل يضر بصحتك؟
لا
كلة والله خبلتني لعد تريد 100 سنة شتصخم بيهن

مرة واحد مصلاوي خطفوا واحد من اولادة
واتصلوا عليه كلولة: ابنك عدنة جيب عشرين مليون ويرجع الك
كال الهم : تنطونة اكل
كالو :اي
كللهم: تنطونة ماي
كالو :اي
كال :اتخلونة اينام
كالو : اي
كللهم: تعالو اخذوا اولادي كلهم

أكو واحد جاي أيصلي ويمه أبنه، جاي يدعي أيكول أنا عبدك ألضعيف ألفقير ألحقير ألمسكين كام أبنه كله أشمالك طيحت حظك كدام ألله!

مصلاوي ابغرفه العمليات فسأله الدكتور قبل العملية يا نوع من البنج اتريد اكو الغالي ابـ100 الف والرخيص ابـ20 الف فالمصلاوي فكر اشويه وكال ليش ما اتغنيلي دللوش يا الولد يا ابني واني والله العضيم راح انام

واحد كيكي سألوه جماعته ليش انت ما عندك شوراب كال اي مو اني طالع على ماما

يارب تعجبكم