بوذيات تحشيشيه

بعض من اصدقائي الحقد ... بيهم

يخلون الكلب مجروح ... بي هم

اريد اتتركهم وءآخذلي ... بي هم

كامل مواصفات

================

زعلت وآآنه من البيت ... طالع

لان شيبي صفه بالراس ... طالع

كلت للحزن انت اليوم ... طالع

بالثلاث

================

تحدّه انت الزمان واكل ... تكه

وجكاير دخن بكل يوم ... تكه

وصير لكل درب يهواك ... تكه

مال قطار

=============

حبيب الي كضب وياك ... هدله

واذا شفته وكع بالضيك ... هدله

يردلك بالفرح ينطيك ... هدله

مال عرس

==============

عداوات الوكت وياي ... عادن

وعليه افلام يابه افلام ... عادن

بطولة يسرى هم وياهه ... عادن

امام

==============

مر بيه حبيبي ولو ,,, بالطيف

ولاعبني بحنان وشوك ... ولطيف

اذا شفتك ونه بتموز ... والطيف

ابرد

=============

بحر حبك اعبره بفقط ... قارب

وعلى كلبي كليبك ولك ... قارب

اعجبك وآآنه عندي شلون ... قارب

ولحيه

===========

غشيم الكلب والشيطان ... وزه

وعلي تاهت البطه من ال ... وزه

يكلبي امشي ودخلي انجيب ... وزه

وجاجيك

==============

الك بالعين يا المحبوب ...عبره

وعلى ردب العشك بيديك ... عبره

اكلت اليوم يمه شلون ... عبره

مال لحم

===============

ذبح تفخيخ ياوادم خلصنه

بسبب للدين واليمّه خلصنه

يصاحب بالفرج عجل خلصنه

طغيان وظلم عم البريه

=================

قدر مكتوب حبك من تقسمة

الواحد مالة ناتج من تقسمة

لون بسيوف گلبي من تقسمة

وتشوف محبتك شمسوية بية

==================

تغاخذ من حسنه يوسف اية اية

وقريت كتاب ربي اية اية

افز من حلمي اصيحن اية اية

عليها عيون وشفايف جاذبية

==================

زماني ضاع ارد اسئل واناشد

واسوي الحان واشعار واناشد

شدني الكبر من ايدي واناشد

واكل للموت ما تكدر عليه

==================

لون يدري بدليلي شكو مالام

ومن ولفي تراني حيل مالام

صرت مثل اليتيم وظال مالام

لا بو ولا كرابة تحن عليه

==================

حزينة الدار والدلة عليهم

اكرام وينشد الخاطر عليهم

دشيل هموم ياكلبي عليهم

وجددحزنك كل داير سنة

==================

ضاج الولد وصاح بتلونة

نزع قاطه وقميصه وبتلونة

شفت شصار بلعبه بتلونة ..فازوا على ريال مدريد

============================

عطش كلبي بغيابك شرب كولا

و المصري يسمي الطوبة كولا

شفت ذيج البنية شلون كولا .. تمشي و تتعثر

============================

كلبي بغيابة ترك اهلة وناسة

ومن اسكر اعيش بجوة وناسة

طشيت الزبل جيب الوناسة ولمة كولة ترة اكتلك

============================

حبك عذبني صرت نانسي

ولا اني المتذكر ولا اني الناسي

دختو حك ربكحتى ناسي كام يوجعني

============================

الصغار تسالني عنك الكبار

و الك مسجد وسط كلبي والك بار

روح افتح قناة وشوف الكبار تفجيرات و قتل خطية العالم

===============================

احبنك تحب غير جريمة

واني كل يوم اقرالي جريمة

تجي ويايا للقرية جريمة هسة نمشي خطوتين نوصل

===============================

قضيتك يا حمد صدكني سهلة

والي يضوجكك بلشارع اسهلة

مصادق وحدة و عيونة سهلة

بس شعرة اسود محلوووو

هع

====================

شعجب وجهك علي ما يوم باشر

دعود ورد علا الضحكات باشر

تجيني اشوكت كلي اليوم باشر

لو انعوفهه عالجمعه

====================

ها ما طلع دم بالروح ها دم

تكوي الحيل جبتك صرت هادم

يغني والله يملك صوت هادم

العراقي

====================

قصيده وبيت مابيهه شطر به

ومطرب هوه منكاعه شطربه

وياي اتعارك الحجي شطر به

راجدي؟ وهوه بكد ابوي

هههههههههههههههههههههههه

==================

يالشابع دليلي اجفوف سطرا

ولك هاي السوالف علي سطرا

اساعد بيك شو ما كلت سطرا

جزيلا ؟ كلمه التنكال

==================

كل يوم اشتعل بهواك ونشب

وكبر بيه الحزن ونوب ون شب

لاتحجي ودبسك عاد ونشب

لا دوخنه

==================

ما ينفــــــــــع برد ثيفي ولاثن

اولا بيه اعله رد حجــــيك ولاثن

كبرت وشوفني امنضحك ولاثن

اثنوني ويه العــــمر طاحن ثويه

===================

لامكلت دوم الك بس نعم

وسلوبك خشن وياي بس نعم

فلافل لاتاكل حبيبي بس نعم

مثروم

==================

دجاجه انتي يالحبيبه وناديج

بذاك الصوب من اعوعيلج وناديج

هلج يردوني ابيضلهم وناديج

وجبت البيض من غصبن عليه

==================

لجريدي بقه ابيتي ولا فار

يجدر الما حمه ميه ولا فار

لاني مكمل الخدمه ولا فار

اركض والعر يف يسوك بيه

تلوعنا بغرامج حيل لعنة

وعلى كلبي اليحبج الف لعنة

احبج وانتي من زمان لعنة

ماتدرين

لعنة=رعنة

================

مابيعن بعد نفسي ولا سوم

وماموتن انا بطلقة ولا سم

وابشرك بعد ماصلي ولا سوم

حولت مسيحي

ولاسوم=ولاصوم

=================

ساعة الوكت لاويني ولاويه

ولا اه النفع بية ولا ويييه

كون الحلو يوصلي والاويه

ضيم الله

والاويه= و اراويه

=================

تذم بية ابد مالوم عادي

ومو اصلي اطلعت ياحيف عادي

اشو مغرور ليش انتة عادي اسود

الي بستار اكادمي

=================

يانقال بطل بعد شترن

اذاني زماني وكلت شترن=شكرا

حط فوك الحليب هواي شترن

يصير احلى

=================

عطر محبوبي لمن فات عطلة

ولون كلبك يخونك يوم عطلة

جمعة وسبت خوش تصير عطلة

ملح

=================

كضن ذيج اليالي وياك تمن

وابد للخان مرة وياك تمن

زرعت خيار تالي يصير تمن

يروح البيتهم

=================

حبيبك لو يمرك يوم حية

وسواليفك بكلبي تعيش حية

حبيبك ليش صار وياك حية

لو بريجو

=================

حبك بالكلب لليوم بعدة

وصديق السوء عنك دوم بعدة

يوم الجمعة شنهو يصر بعدة

لو بنكرياس

=================

حبيبي افرح بشوفك دوم وسعد

ويريت بايدي افرح الناس وسعد

جميل اليوم اجاني ونوح واسعد

فو ك للسطح

=================

اشكثر تانيت نصري مايه نصري

ولا مرة على زرعي مايه نصري

اذا انته تحبك مايه نصري

انه تحبني اليسا تموت بيه



* * * * *

اشكثر مشتاك لحلامي لطيفه

ابو حجايت موزونه لطيفه

تحبني المطربه بتونس لطيفه

واجت للبصرة واتدور عليه



* * * * * *

غرامك يا حلو بنص ليل هيفا

وليلي الشاف طولك طول هيفا

اصاله اتخبلت وتغار هيفا

من اليسا وماجده الرومي عليه



* * * * * *

عليكم شايحه عيوني وروبي

ودربكم ما ازل عنه وربي

عليه طك كلب نجوى وروبي

تكول انتحر لو ما صار اليه

* * * * * *

حبيبي اليوم ما بين ومايه

وبهجرة نشف دم الكلب ومايه

جبتله نانسي واصاله ومايه

طلع يدور هيفا وهبي عليه

عقلك خل يفكر دوم دربة

ويظل بس عالعدم مليوف دربة

كلبك لو عطش فد يوم دربة

مــــــــــــــــــــــي

__________________________

الك باع الكلب حبة والك سام

درجعلي البعد قاتل ولك سام

الك هالجامعة فدوة والاكسام

الداخليـــــــــــــــــــــــة

__________________________

اذا مضروب اشوفن بيك دم شي

ولان جذاب ابعد عني دمشي

اجيت معتني واجرت دمشي

بهبهاني

_______________________

ذكرت انتة حبيبك يوم لو ناس

والحكة وامشي ورا ه بسكوت لو ناس

مهاجم صير والعب مثل لونس

محمود

_______________________

ايدة شكد جبيرة لو تريدة

ومحبوبك اعزمة لو تريدة

اسألة يريد تمن لو تريدة

مال بامية

_________________________

فصلنة الوكت هو الجان فاصل

وتعبنة وللاسف ما صاح فاصل

صوتة شكد حلو ومحبوب فاصل

عواد

_________________________

مع تحــــــــياتي

يـــــــارب تعجبكم

من شوكي الك احضنها للروح
واحسك بالنفس صاعد ونازل
واذا يمي كعدت تدري شيصير
اشبعنك حضن ما انطي فاصل

ٍٍٍٍٍٍٍٍ

من احجي وياروحي يعني وياك
واذا حبيت غيرك انت حبيتك
لتصدك اعوفك لحظة وانساك
اذا مرة بعدت تلكاني يم بيتك

ٍٍٍٍٍٍٍٍ


ما حبك نعم واعذرني أنت بهاي
لغيرك ساهرت و اتنطر ليالي
ذكرك ما يجي بلساني هيهات
كل شعري لحبيبي الساكن ابالي

ٍٍٍٍٍٍٍٍ


مو عشرة عشك رايدها وياك
تجمعني الصداقة وياك و الخوة
لاتزعل علية الروح تفداك
وحتى الي أحبه يروحلك فدوة

ٍٍٍٍٍٍٍ


ادلل علية شلون اراضيك
شتطلب ياروحي اني انفذلك
شوف السما وشبيها من نجوم
عدد نجم السما اني اعتذرلك

ٍٍٍٍٍٍٍ


بيدية جروح كلبي حاسبة آني
وعلى الرمشات وكتي حاسباني
وفي ويصون حبي حاسبة اني
ما ادري الوفي يضحك علية

ٍٍٍٍٍٍٍ


سرى اعله الفرح صدك لازم اني
ومن زغري الدمع بيدي لازماني
لاحظي النصـفـني لازماني
اداري الاه واتمنى المنية

ٍٍٍٍٍٍٍ



نجم الليل أظل صافن واحسبه
والف حسبه التمر بيه وحسبه
تريد شلون احب شخصك واحس به
اذا مثل الحجر كلبك علية

ٍٍٍٍٍٍٍ


الهوا مايوكف بحكمك هوا الله
وحق الفاتحة وقل هو الله
جاي تكلي ما اريدك ها والله ؟
وبوساتك وشم لسه بإديه

ٍٍٍٍٍٍ


عجيبة شلون ظل كلبي يدك بي
ودكات النذالة شكد يدك بي
وشم خليته وبصدري يدك بي
وكتب محجوز كلبج بس الية




يارب تعجبكم